أكدت الفنانة ميس حمدان أنها لن تتزوج سوى بعد قصة حب تتكلل بالزواج، ولن تقبل بغير ذلك، مشيرة إلى أنها تلقت العديد من عروض الزواج ورفضتها. وكشفت حمدان تشديدها على الزواج عن حب، في منشور قالت فيه: "الحب احلى حاجه اتخلقت فعليا في الوجود بكل اشكاله..ولو حتكلم عن الحب بين الراجل والست فبالنسبة ليه الحب ده بالذات بينعش فؤادي وبيخليني إنسانة محبة للحياة وعايزة أكون أحسن وحاجات تانية كتير". وتابعت ميس حمدان: "الحمد لله عشته اكتر من مرة بكل تفاصيله الحلوة والمره ووجعه المؤلم ورغم كل ده لسه بدور عليه بشغف ورافضة اتجوز من غير حب رغم كل محاولات إقناع الناس اللي حوليه ان خلاص مفيش حاجة اسمها حب لكن انا مصممة إني مش حتنيل اتجوز غير عن حب حتى لو حيروح بعدها بيوم بس هو ده تفكيري دلوقتي جايز يتغير بعدين وأنا ماشية عل العكاز مثلا هههه معرفش". واختتمت ميس حديثها بقولها: "الدنيا مش مستاهلة فاستغلوا الحب وسخروه ليكوا واستمتعوا بيه قد متقدرو ..حبو واتحبوا لان الحب بيهون كل شىء مهما كان صعب الحب بيدي طاقة ايجابية تخليك طاير فوق الريح من الاخر كده الحب حيفضل طول عمره مرمغة مش مفهومه".