بعث ياسر الشريف احمد "رساله" الى امه من خلال" القرار العربى" قال فيها"كان عمرى حوالى 4 شهور لما عثروا عليا  فى احد العقارات فى حلوان  كان فى 29نوفمبر2000،وطبعا تم ايداعى احد دور الرعايه مع الاطفال الى زى وكبرنا سوا وكلنا امل ان احوالنا تتغير ونلاقى اهلنا يوم من الايام ،لما كبرت وادركت كلمه انى يتيم او انى ابن دار دى كانت صدمه كبيره بالنسبه ليا ،اش معنى انا  ؟؟ 
كل الاطفال بيتربوا فى وسط اهلهم عادى ليه انا اتحرم من اهلى ذنبى ايه ،ومليش ذنب ياامى تحرمينى من حضنك ومن حنانك محتاجك جدا ،عايزك تشوفى صورتى وتعرفى انى ابنك الى كبر وبقا شاب عنده 20 سنه،ورغم ان كل الى يعرفنى بيقولوا عليا دمى خفيف ومرح لكن جوايا حزن جبال وقلبى مجروح ،نفسى اشوفك ياأمى واترمى فى حضنك وتعوضينى عن كل الحرمان الى عيشته بعيد عنك  .