ميمي جمال : أمي يونانية واسمي الحقيقي امينة ، واسم ميمي يعود للمخرج عز الدين ذو الفقار
قالت الفنانة ميمى جمال ان والدتها يونانية اسمها ستلا و ابوها مصري اسمه مصطفي ، وانا اسمي امينة مصطفى جمال ، وبعد زواجي من حسن مصطفي ام امن العلاقة جيدة بين امي وجدتي وحسن ولكن بعد ذلك حبوه جدا
و اضافت ميمى خلال لقاءها مع الإعلامى دكتور عمرو الليثى بيرنامجه واحد من الناس على شاشة الحياة ، ان المخرج عز الدين ذو الفقار هو اللى اختار لى اسم ميمى و كنت لسه طفلة صغيره و كان فى فيلم للاستاذة شادية اسمه اقوى من الحب ، و ناس قالو لى روحى عمارة الايمبوليا اقابل المخرج و قالى انا عاوز طفلة تعيش سنها لا تغنى و لا ترقص .
و تابعت انها من مواليد شبرا و لديها اخ واحد فقط و عائلة صغيره جداً انا و بابا و امى و اخويا و جدتى و بعد كده حسن الله يرحمه .
و انا بعد ما حسن توفى انا قعدت ٦ سنوات فى البيت و بطلت كل حاجة ، و رجعت للتمثيل تانى وحسيت كأني لسه وجه جديد ، و حسيت ان الوسط الفنى اتغير .
واشارت الي ان زوجها الفنان الراحل حسن مصطفى كان طيب جدا و بيحب اولاده جدا ، و كان يعطيك النصيحة مجرده ، و كان دائم التعبد و الصلاة ، و انا بعد وفاته حسيت ان ظهرى اتقسم .
و اضافت ان بناتها تزوجوا و خلفوا و اصبحت جدة عندى ٣ احفاد بنتين و ولد .
و اختتمت كنت سعيدة جدا فى فرح حفيدتى بس افراح دلوقتى غير افراح زمان خالص العريس و العروسة و المعازيم تنطيط طول الفرح .
