فاطمة عيد : كنت بغنى من سن ٥ سنوات ومثلي الاعلي محمد طه
الاثنين 03-07-2023
10:00 ص
قالت الفنانة فاطمة عيد ان اسمها الحقيقى فاطمة صالح و المنتج هو من اختار لى فاطمة عيد ، و انا كنت بغنى من سن ٥ سنوات .
و اضافت فاطمة خلال لقاءها مع الإعلامى دكتور عمرو الليثى بيرنامجه واحد من الناس على شاشة الحياة ،و كانوا بيجيبوا لى كرسي فى الافراح و اغنى عليه ، و انا مثلى الاعلى فى الغناء الشعبى الفنان محمد طه ، و انا كملت و درست فى معهد الموسيقى العربية ، و اول حفلة لى كان فى مسرح الازبكية و كسرت الدنيا .
و تابع زوجها اللواء الفنان شفيق الشايب انه كان بيحب التمثيل من الصغر ، و كان بيمثل فى السر و هو ظابط صغير ، الا ان اتقفشت فى اغنية حسنين و محمدين لتنظيم النسل ، و كنت بحطب و لابس شنب ، و اتذاعت على التليفزيون و المخرج كان صديقى جمال الهوارى و كنت رايح معاه التصوير عادى و الممثل اللى هيعمل دور حسنين لم ياتى ، و قالى هتعمل الدور و هغير ملامحك محدش هيعرفك ، لكن وزارة الداخلية شافت الاغنية و اتعرفت و نقلونى الصعيد ، و انا ساعتها قولت خلاص انى هستقيل ، الى ان صديق لى تدخل عند اللواء النبوى اسماعيل وزير الداخلية و اقنعه انى كنت بمثل فى حملة لتنوير المجتمع بضرورة تنظيم النسل ، و فعلا رجعنى القاهرة تانى ، و قالوا لى اوعى تمثل تانى فى اى عمل .
و قامت الفنانة فاطمة عيد بغناء هذه الاغنية
