عملية قلب مفتوح و مياه بيضاء و سماعة اذن .. أبواب الخير ..راديو مصر
الاثنين 10-04-2023
05:23 م
في حلقة اليوم الاحد من برنامج " أبواب الخير " مع الاعلامي د. عمرو الليثي باذاعة راديو مصر فى شهر رمضان ، تلقي البرنامج اتصال من احمد مصطفى من الشرقيه محتاج سماعه اذن لزوجته بتكلفه 9 الاف جنيه ، وهو ارزقي باليوميه
عنده ٣ اولاد ، زوجته مريضه حصلها ضعف في العصب السمعي ونفسها في سماعه اذن عشان تقدر تراعي بيتها واولادها ، و هو ما تكفل به البرنامج .
والفقرة الثانية تلقى الليثى اتصال من عاطف محمد عنده 38 سنة ، محتاج لبنته عملية قلب مفتوح بتكلفة 80 الف جنية ، عاطف شغال ارزقى وعنده عجز فى رجله ، متزوج و عنده ولد وبنتين منهم بنت اتولدت بعيوب خلقية فى القلب ولف بيها على كل الدكاترة وقالوا انها لازم تعمل عملية قلب مفتوح بتكلفة 80 الف جنية و هو ما تكفل به البرنامج .
والفقرة الثالثة والاخيرة تلقى البرنامج اتصال حبيبة سعيد ، محتاجة عملية مياه بيضاء لوالدتها بتكلفة 12 الف جنية ،
حبيبة عندها 21 سنة بتشتغل عاملة فى مطعم ، والدها والدتها منفصلين وهى عايشة مع والدتها ، ام حبيبة بقالها 4 سنين بتشتكى من عنيها الاتنين وكل الدكاترة قالولها لازم تعمل عملية مية بيضة فى عنيها الاتنين بتكلفة 12 الف جنية ، و تكفل البرنامج بتكاليف العملية .
«أبواب الخير» برنامج خدمي خيري يرسم البسمة علي وجوه أهالينا ويلبي طلبات المواطنين في شتي محافظات الجمهورية .
ويتلقي مكالمات المستمعين ويحقق لهم أمنياتهم وأحلامهم فزي كل حلقة، ويقدم البرنامج خلال شهر رمضان هذا العام عدد كبير من الشقق، و رحلات العمرة، وأجهزة عرائس، ومشاريع صغيرة، وعمليات مجانية لغير القادرين .
يذاع برنامج " أبواب الخير" على الهواء خلال شهر رمضان يوميًا في الثالثة عصرًا ولمدة ساعة من الأحد الى الاربعاء باذاعة راديو مصر
