عايدة رياض تكشف كواليس فيلم اللعب مع الكبار والكيت كات

قالت الفنانة عايدة رياض ان فيلم اللعب من الكبار مع النجم الكبير عادل امام و الاستاذ وحيد حامد و والمخرج شريف عرفه من الاعمال التي تعتز بها . و اضافت عايدة رياض خلال الجزء الثانى من لقاءها مع الإعلامى دكتور عمرو الليثى بيرنامجه واحد من الناس على شاشة الحياة ، و كنت بعمل مشهد و انا بنضرب بعض انا و استاذ عادل امام و كان مشهد ماستر سين ، و كان الاستاذ شريف عرفه بيعمل البروفة زى المشهد بالظبط ، و استاذ عادل قال لى انتى تضربى على الهوا ، و اول ما بدائنا المشهد لاقيته بيضرب بجد و انا رياضية ، فضربته بجد انا كمان و نطيت ضربته بالدماغ ، و كان من اجمل مشاهد الفيلم . و الاستاذ عادل امام ساعدنى كتير و هو فنان رائع ، و من اروع المشاهد أيضا مشهد العربية لما الاستاذ عادل طلع فوق سقف العربية . و اضافت انها فى نفس العام عملت فيلم "الكيت كات " مع الاستاذ محمود عبد العزيز و الاستاذ دواد عبد السيد ، و الناس بتعتبر انه فيلم اغراء و فيه بوس ، و الاستاذ داود عبد السيد لما كلمنى علشان يشرح لى ابعاد قصة الفيلم ، قال لى انتى فى الفيلم ده عاوزك تتعاملى مع شريف منير على انه حب حياتك ، و هو مخرج واقعى جداً .