عايدة رياض تفجر مفاجأة : أصيبت بالسرطان واخفيت الخبر عن الجمهور

قالت الفنانة عايدة رياض انها اصيبت بمرض السرطان فى المثانة و اخفيت عن الناس اصابتها بهذا المرض ، و وكان ورم في حجم الزيتونه ، و الطبيب اجري لى منظار و استئصلها و بعد التحليل اكتشفت انه سرطان خبيث . و اضافت عايدة رياض خلال الجزء الثانى من لقاءها مع الإعلامى دكتور عمرو الليثى بيرنامجه واحد من الناس على شاشة الحياة ، و ذهبت لدكتور شهير ، استاذ الاورام فى مصر ، و اخويا الكبير سمير هو اللى يعرف ، و اتعالجت ، و بعد اول ثلاث جلسات الدكتور قال لى انتى هتعملى لى عيانه ، و نزلت عملت مسلسل مع مى عز الدين و الدكتور طلب منى البس باروكه علشان لما الشعر يوقع بعد جلسات الكيماوى ، و كنت عاملة دور اخت بوسي فى المسلسل و طلبت منها من غير ما حد يعرف ان فى ثلاث ايام فى الشهر مش هقدر اشتغل فيهم ، و مكنتش عاوزه اقول لحد . و غلبت على الفنانة عايدة رياض دموعها على الهواء اثناء حديثها عن محنة المرض ، مضيفة ان الممرضات كانوا بيقولوا لبعض انى جوه و كانوا يستاذنونى ان زملائهم عاوزين يشاهدونى و كنت اشيل محلول الكيماوى و اطلع اقابلهم . و اضافت ان الدكتور بعد ما خلصت الجلسات و عملت مسح ذرى و طلع سليم الحمد لله ، طلب منى انى اشيل المثانة و اركب مثانة صناعية ، و روحت لكذا دكتور و قالوا لى لو هتعمليها يبقى فى فرنسا لان الست بتبقى اصعب من الراجل ، و استخرت الله و قولت يا رب انتا شفتنى و انا متوكله عليك ، و قولت للدكتور مش هعملها .