عايدة رياض : لم اتزوج من احمد بدير ولم انجب اطفالي
الأحد 09-07-2023
11:31 م
قالت الفنانة عايدة رياض فيلم احلام هند و كامليا زود المشاكل بينى و بين محرم فؤاد ، و كان متفق معايا فلمين فقط و اقعد ، و بعد الفيلم عملت مسرحيات و ابتديت ارجع متاخر البيت
و اضافت عايدة رياض خلال الجزء الاول من لقاءها مع الإعلامى دكتور عمرو الليثى بيرنامجه واحد من الناس على شاشة الحياة ، و بابا اصيب بالفشل الكلوى ، وكنت مزنوقه و عاوزه فلوس و لم يقف بجوارى محرم فؤاد ، و بعت لكابتن حسن شحاته وكان فى دبى بعتلى ٥٠٠٠ دولار ، فاتصدمت و حسيت انى لازم اعمل فلوس تكون امان لحياتي .
و كان بيحكى لى على حاجات بينه و بين عبد الحليم ، و كان فى غيره فنية و يقولى عبد الحليم بيعمل مقالب وحشة اوى فيا و كان عبد الحليم دمه خفيف و محرم صعيدى بياخد كل حاجة على قلبه .
و تابعت ان محرم كان بيحب ميرفت أمين و سافر وعندما عاد وجدها تزوجت عمر خورشيد ، و كان هيتحوز نيللى ،
وعلي جانب اخر اشارت الي ان اول حب لها فى المراهقة كان زميلى عبد النعيم ، و اجمل مشاعر هى ايام المراهقة .
و عن اشاعة زواجها من الفنان احمد بدير كانت اشاعة من ايام مسرحية تكسب يا خيشة ، و انا كنت هسيب المسرحية بسببها ، و اى اثنين فى عمل واحد بتطلع عليها هذه الاشاعات .
و تابعت انها عقلانيا اتعودت على الوحدة لكن نفسها تحب و تتحب ، و عن عدم خلفتها ، اجابت ان هذا الامر من عند ربنا ، و له حكمة فى ذلك و انا ربيت ولاد اخواتى .
