عايدة رياض : بيني وبين نجلاء فتحي وميرفت امين كيميا واعشق العمل مع الساحر محمود عبد العزيز
الأحد 09-07-2023
11:30 م
قالت الفنانة عايدة رياض انها تعتز بانها شاركت مع العديد مع الفنانين الكبار مثل عبد الله غيث و حمدى غيث و يوسف شعبان ، و الاستاذة امينة رزق ، كنت مبهوره و انا اعمل امامهم ، و كان ايامها التصوير ب٣ كاميرات و تقول جمله ، و كلام كتير كان فيه حفظ للحوار .
و أضافت عايدة رياض خلال الجزء الاول من لقاءها مع الإعلامى دكتور عمرو الليثى بيرنامجه واحد من الناس على شاشة الحياة ، و اكتر فنان ارتحت معاه فى العمل محمود عبد العزيز ، و بينى و بين نجلاء فتحى و ميرفت امين كيميا ، و سوسن بدر .
و تابعت و كان نفسي اشتغل مع عاطف الطيب ، و كان بعت لى دور وفاء مكى فى فيلم الهروب و اعتذرت لان كان عندى مسرح .
و اضافت عايدة انا مريت بظروف ظالمة جدا الناس كلها عارفها ، و كنت مجروحة جدا ، و رجعت بالعافية و بعد ٧ سنوات زواج .
وتابعت انها تزوجت من الفنان محرم فؤاد ، بعد تجربة حب فاشلت بسبب اختلاف الاديان ، و كنت بعمل عرض فى مسرح عبد الوهاب فى الاسكندرية ، و جاء محرم فؤاد و عمر خورشيد، و شافونى و انا بعمل البمبوطية ، و راح فى الاستراحة قال لمدير المسرح ، و قاله هاتلي البنت دى ، ورحت سلمت عليه و قالى يا عايدة انا عاوزك تقدمينى فى حلقة بكره فى المسرح هنا ، و هنجيب بنت تانى معاكى ، و تانى يوم جه عمر خورشيد طلب منى انى اقدمه ، فلقيت محرم نده عليا قالى عايدة ملكيش دعوه بعمر انتى هتقدمينى انا ، و مدير المسرح قال لى ده معجب بيكى جدا ، و عزمنا فى سان جيوفانى انا وزميلتى .
و تابعت انا نزلت بعدها مصر و لم اكمل العرض و هو كل يوم يروح المسرح يسال عليا ، و بعدها باسبوع كنت بعمل عرض فى مسرح البالون و لاقيت تليفون ، منه و طلب يعزمنى على الغداء ، و لم اتخيل انه محعب بيا و عاوز يتزوجني، ازاى ده محرم فؤاد يعنى ، و لحد ما جالى المسرح و قال لى انا معجب بيكى و عاوز اتجوزك ، و طلبت منه مهلة علشان اكلم بابا اخد رايه .
و اضافت انه عملت خطوبة علشان تغيظ حبها الاول ، و بعد كده حبيت محرم جدا و كان فرق بينى و بين محرم ٢٠ سنة ، و استمر الزواج ١٣ سنة ولم انجب منه ، و هو مكنش يحكى كل حاجة ، و هو فنان عظيم و رجل مصرى جدع ، لكن مع العشرة اتصدمت فى بعض الاشياء ، و لم اشعر معه بالأمان ، و كان البيت اللى قاعدين فيه ايجار ، و لما تزوجنا قعدت فى البيت ، و هو كان غيور وخايف عليا .
و تابعت عايدة انها اخدت علقة سخنة منه اثناء الخطوبة فى لندن ، بسبب الولد اللى كنت بحبه بعت حد من اصحابه لى فى لندن لانه كان داخل الجيش و مش ينفع يسافر بعدت لى حد من اصدقائه ، وبعد خطاب لى على السفارة فى لندن ، على انه اخويا ، و جالى تليفون من صديق و بيطلب منى ارجع تانى ليه ، و محرم سمع المكالمة و جنونه و ضربنى امام صديقه اللبنانى .
