عايدة رياض : بدايتي الفنية من المدرسة وعشقت الجمباز وشاركت مع مسيرة اسماعيل في رقصة البمبوطية
الأحد 09-07-2023
11:29 م
قالت الفنانة عايدة رياض ان بدايتها الفنية من المدرسة ، و كنت بطله جمباز و بلعب بيانو و كان عندى حفلة فى عيد الام ، وجاءت لينا مدرسة من فرقة الفنون الشعبية و شاهدتنى قالت لى ان هناك فرقة اسمها الفنون الشعبية .
و اضافت عايدة رياض خلال الجزء الاول من لقاءها مع الإعلامى دكتور عمرو الليثى بيرنامجه واحد من الناس على شاشة الحياة ، فقلت ليها يعنى ايه فقالت لى شوفتى فريدة فهمى و محمود رضا فى فيلم اجازة نصف السنة ، هى دى الفرقة ، و قالت لى فى خبراء روس جايين مصر و عاوزين بنات فى سن ١٢ سنة و اخدتنى انا و بنتين من المدرسة ، و روحت و قدمت فى الفرقة .
و اضافت ان والدى كان مسافر اليمن ، و اخوايا سمير ارسل اليه خطاب فى اليمن يستاذنه ، و عندما عاد من السفر جاء الي المسرح و شاف بنات صغيره بتتمرن و خبراء روس و شجعنى .
و تابعت ان بعدها انضمت للفرقة الكبيرة و سافرت بره ، و انا مدربة تدريب روسي وممكن ارقص اى رقصة شعبية فى العالم ، و كان فى جولة فى بلغاريا و تشيكوزلوفكيا ، و مشيرة اسماعيل جالها مغص معوى ، و احنا هناك و كان فى رقصة البمبوطية ، و قولت للاستاذ كمال المخرج انا حافظة رقصة البمبوطية ، و قالى تعالى بكره اعملى بروفة معايا ، و هي محموعة رقصات صعبة ، و دينيس اللى جابتنى من المدرسة و هى كانت صوليست الفرقة ، و قعدت ١٥ يوم اعملها و مشيرة خفت و رجعت تانى و ما رقصتش البمبوطية لمدة ٦ شهور .
و لما رجعت مصر كنت عاوزه ارقص البمبوطية امام ماما و بابا فطلب من المخرج اعمل عرض بدل مشيرة مرة واحدة ً، فدينيس قالت لى لا اعملى مكانى انا ، و اتصورت الرقصة بيا انا و مشيرة .
