ياسر عبد ربه يكتب زوجها طلقها على سرير الولادة عشان خلفت طفل مريض

تحدث سيدة تدعى دعاء عن تعرضها لمأساة صعبة حيث طلقها زوجها وهي على سرير الولادة لإنجابها طفل مريض. وفي ظهور تليفزيوني عبر برامج "لقاء على الهواء" من تقديم الفنانة والإعلامية لقاء سويدان والمذاع عبر قناة الشمس قالت دعاء:" في ناس جابولي عريس واتجوزت ومسألتش عليه ومع الوقت ابتدت تظهر عيوبه زي أنه بيشرب وده غير إني اتجوزت في نفس الشقة مع والدته". وتابعت:" بعد ٩ شهور انجبت مروان وهنا بدأت المشاكل لما لاحظت إن مروان مولد بشفاه أرنبية فروحت بيه للمستشفى والدكتور هناك خيطهالي، بس المشاكل موقفتش هنا لما جيت أرضعه اللبن نزل من أنفه جربت بيه على المستشفى وكانت صدمة إن مروان معندوش سقف في فمه". وأكملت:" روحت بيه مستشفيات كتير والدكاتره عمله له ترقيع خدوه من عظام أيده وحطه في فمه، وعند عمر ٩ شهور كان لسه محتاج عمليات تاني فباباه خيرني إني أوديه دار رعاية أو أطلق وأتنازل عن كل حقوقي". وأوضحت:" اخترت ابني ومضاني تنازل عن كل حقوقي ومشاني من غير هدومي أنا وابني حتى، وحاليا باخد معاش تكافل وكرامة وبغسل السجاجيد للناس عشان أقدر أصرف عليه" يذكر أن برنامج "لقاء على الهواء" هو برنامج توك شو اجتماعي متنوع يعرض أيام الأربعاء والخميس والجمعة من كل أسبوع على قناة الشمس من تقديم الفنانة والإعلامية لقاء سويدان https://www.facebook.com/share/v/A7ES3hkYPX9Q2rmd/