مشروع ادوات منزلية و عملية زرع قرنية و سماعة اذن .. أبواب الخير ..راديو مصر

في حلقة اليوم الثلاثاء من برنامج " أبواب الخير " مع الاعلامي د. عمرو الليثي باذاعة راديو مصر فى شهر رمضان ، تلقي البرنامج اتصال من لبيبه سعد لديها ٦٠ سنه ، كانت بتشتغل في البيوت واصيبت بورم في الثدي وعملت عمليه استئصال للثدى وحاليا رجعلها الورم تاني في مكان تاني في جسمها ، ولديها ٤ اولاد (بنتين وولدين ) ، وجوزها راجل مريض وكبير في السن و غير قادر على العمل ، ونفسها فى مشروع ادوات منزلية يساعدها على المعايش ، و هو ما تكفل به البرنامج . والفقرة الثانية تلقى الليثى اتصال من السيدة امال احمد ( محتاجة عملية زرع قرنية لابنها بتكلفة ٥٠ الف جنية) ، امال عندها ٥٢ سنة ربة منزل وزوجها سواق على اد حاله وابنها وهو فى ثانوى دخل القلم فى عينه بالغلط ، كل الدكاترة قالوا لازم يعمل عملية زرع قرنية بتكلفة ٥٠ الف جنية ، ابنها دلوقتى عنده ٢٢ سنة ومش بيعرف يشتغل نفسه يكون زى الشباب اللى من سنه ، و تكفل البرنامج بمصرفات العملية . والفقرة الثالثة والاخيرة تلقى البرنامج اتصال من ساميه صباح عبد الرحمن ٥٥ سنة ، من مركز ابو المطامير محافظه البحيره ، ولديها ٤ اولاد مريضه بقالها ٥ سنين كانت في الاول بتشتكي بيعينها اليمين ، تابعت مع الدكاتره لحد ما قالولها قرنيه وعملت عمليات كتير واصبحت كفيفه واثناء رحله العلاج كانت بتاخد ادويه كتير اثرت على السمع فبقت حاليا مش بتسمع ونفسها في سماعات اذن تساعدها على المعيشه ، و تكفل البرنامج بشراء سماعة للست سامية . «أبواب الخير» برنامج خدمي خيري يرسم البسمة علي وجوه أهالينا ويلبي طلبات المواطنين في شتي محافظات الجمهورية . ويتلقي مكالمات المستمعين ويحقق لهم أمنياتهم وأحلامهم فزي كل حلقة، ويقدم البرنامج خلال شهر رمضان هذا العام عدد كبير من الشقق، و رحلات العمرة، وأجهزة عرائس، ومشاريع صغيرة، وعمليات مجانية لغير القادرين . يذاع برنامج " أبواب الخير" على الهواء خلال شهر رمضان يوميًا في الثالثة عصرًا ولمدة ساعة من الأحد الى الاربعاء باذاعة راديو مصر