محمد رجب : كنت علي وشك ترك التمثيل والسفر اليونان
الاثنين 08-05-2023
11:42 م
قال الفنان محمد رجب كنت خلاص مسافر اليونان و تركت التمثيل و جالى مسلسل لقاء على الهوا مع حبيبتى الفنانة يسرا و كان دور ٦ حلقات و توالت بعدها الاعمال ، وانا لا اعرف اعمل حاجة تانية غير التمثيل ، و مهمل فى صحتى شويه ، و بعرف افهم الناس كويس ، و صعب حد يدخل قلبى بسهولة بناء على معرفتى بيهم .
واضاف خلال حلوله ضيفا ببرنامج واحد من الناس مع الاعلامي د. عمرو الليثي على شاشة الحياة ، من السهل استفزازي جدا ، و دايما بخطط لكل حاجة ، و عمر ثقتى فى نفسي ما اتهزت ، و عندى من الشجاعة انى لما اغلط اقول انا غلطان و اعتذر وقتى ، و انا شجاع و لست متهور ، كنت بصرف على الشغل لحد لما بقيت نجم ، و بقى عندى قوة للنجاح بسبب الظلم .
واشار بانه قدم مشهد فى مسلسل الزينى بركات و انا كنت موظف فى قطاع الانتاج ، و كان الاستاذ ممدوح الليثى رحمه الله رئيس قطاع الانتاج وقتها ، و كان مانع اى موظف يمثل فى اى عمل ، و انا هموت و امثل و لو خالفت القرار هترفد و ابويا ده كان بالنسبة لى كارثة لانه شايف مستقبلى فى الوظيفة .
و تابع رجب قدمت دور عسكرى درك و بعدين جابونى حارس الزينى بركات ، و اعطونى جملة صعبة اوى اقوله و كل شويه الخوذة تقع من على دماغى ، و المخرج يقول استوب مين ده خرجوه برا .
و تابع انا عملت ادوار كتير بالشنب ، و اعتز بشنب مسلسل الاخ الكبير .
