لبني ونس : مشهد الفلاش باك بمسلسل جعفر العمدة أعادني صغيرة والفضل لمحمد سامي

قالت الفنانة لبنى ونس أن مشهد الفلاش باك بمسلسل جعفر العمدة رجعنى فعلا صغيرة ، و هذا برنامج بيستخدم فى هوليود ، و الاستاذ محمد سامى استعان بيه و انا بحييه عليه و بنتى بعد عرضه كلمتنى يا ماما انت صغرتي جدا ومتصدره التريند . واضافت خلال حلولها ضيفه ببرنامج واحد من الناس مع الاعلامي د. عمرو الليثي على شاشة الحياة ، ان استاذ محمد سامى فيه ميزة حلوه قبل التصوير بيتحدث مع الممثل ويقول له هيعمل ايه ، ووقت التصوير بيوجهنا أثناء المشاهد بطريقة هاديه تخلينا مركزين فى المشهد ، و انا اشتغلت مع الفنان محمد رمضان في مسلسل زلزال ، و انا بحبه جدا و بيتعامل معايا برقى ، و مش بيحسسك انك واقف امام نجم لكن ممثل أمام ممثل . و تابعت اننى استمتعت بدور فاطمة فى مسلسل جعفر العمدة جدا ، و محمد سامى كسر كل توقعات الجمهور فى المسلسل ، و انا شخصيا كنت شغاله فى المسلسل كنت مستنيه أشوف باقى الاحداث . و عن دورها فى مسلسل جزيرة غمام قالت ان المسلسل عمل لى ربكه انسانيه و كنت عامله دور زين المواصف و هى انسانه تعتبر المادة الخام للشيطان و كنت بجرب فى اولادى و اخواتى و اصحابى الدور علشان اشوف هيتقبلوا الشر منى ازاى .