لبني ونس : عشقت دور فاطمة بجعفر العمدة ومواجهة محمد رمضان هي الاصعب
الاثنين 15-05-2023
09:19 ص
قالت الفنانة لبنى ونس انها تعتز بعدد من الأعمال في مشوارها الفني ومنها مسلسل "خالتى صفية و الدير" مع المخرج الكبير اسماعيل عبد الحافظ وهو من اقرب الأعمال الي قلبها وهو عمل رائع وسيظل في ذاكرة المشاهد .
واضافت خلال حلولها ضيفه ببرنامج واحد من الناس مع الاعلامي د. عمرو الليثي على شاشة الحياة ، و ايضا عملى مع الفنانة الكبيرة فاتن حمامة فى مسلسل "ضمير ابلة حكمت ة ، و انا لم اشاهدها فى البلاتوه لكن قابلتها فى الاوبرا وكانت مدعوة لحضور حفلة باليه .
و عن دورها فى مسلسل جعفر العمدة في دور الام فى المسلسل كان مهم و صعب و عملت دور ام فى مسلسل تحت الوصاية ، و اللى رشحنى لجعفر العمدة المخرج الكبير محمد سامى و روحت و قعدت معاه و شرحلى هو عاوز دور ام ازاى وكيفية تقديمها ، و كنت بزود حاجات عندى و كان محمد سامى بيوافق عليها و اى ممثل لازم يزود بصمته على الدور ، و انا كنت حريصة على شدة الواقعية فى الدور ، و انا عيشت فاطمة بجد ، و أصعب مشهد مواجعة جعفر العمدة لاول مرة .
و تابعت لبنى انها كونت فرقة موسيقي في الفترة من ٩١ الى سنة ٩٦ و سافرنا البحرين وقدمنا حفلات هناك ، و بعد ما توفقت عن التمثيل بسبب اسرتي وتربية اولادي ، عملت مشروع "اتيلية " فى البيت للتطريز فساتين السهره ، و انا لا احب الجلوس في البيت بدون عمل .
و اشارت انه فى احد الأعمال كانت تشارك بدور كومبارس متكلم ، و كنت فى الدور منقبه و مريم ابو عوف المخرجة و اللى قبلى فى الكلام اتلخبطت فقالت لى اعملى انتى الدور مكانها ، و لما شيلت النقاب المخرجة عرفتنى ، و مش عيب انا ابدء كده لكن العيب انى امد ايدى لحد .
