فتوح احمد : كنت سأقدم دور اخر " بجعفر العمدة" غير دور فتوح البخيل

قال الفنان فتوح احمد عن دوره فى مسلسل جعفر العمدة ، ان الدور بدء معاه من السنة الماضية ، وكنت بعمل مسلسل مع مى عمر و اقول لها زوجك المخرج محمد سامي موهوب جدا و بشوف الممثلين منورين معاه ، بس اسمع انه عصبى اوى ، فلاقيته بيتصل بيا و بعتلى دور تانى غير فتوح ، و روحت و كان محمد رمضان هناك و اتكلموا مع بعض و غيرو الدور و عملت شخصية فتوح . و اضاف فتوح خلال لقاءه مع الاعلامى دكتور عمرو الليثى ببرنامجه واحد من الناس على شاشة الحياة ، و روحت اول يوم تصوير لاقيت محمد سامى حد محترم جداً و بتعامل مع الناس كويس و بيراجع معانا كل مشهد ، و فى يوم و احنا بنصور ذهبت ووجدته مركب محاليل و جمبه دكتور و شغال بيعيد كتابة مشهد ، و هو الشغل معاه ممتع جداً ، و محمد رمضان نجم كبير ، و محمد سامى عامل ورق محترم ، و دارس سيكلوجية المشاهد المصرى ، و الدليل ان المسلسل عجب كل طبقات المجتمع ، و انا بستمتع بالشغل مع محمد سامى . وعلي جانب اخر كشف الفنان فتوح احمد انه فى عيد الام كان محوش ١٠ ساغ و المدرس قال كل واحد يجيب هدية لامه ، فلاقيت بره المدرسة واحد بيبع بلاليص عسل اسود أشتريت واحد لامى هدية عيد الام .