فتوح أحمد : ربنا رزقني بطفلة بعد فترة طويلة من عدم الانجاب

قال الفنان فتوح احمد عن حياته الخاصة وزواجه انني لم اعاني ولا زوجتي من اي مشاكل خاصة بالانجاب ، وعندما تزوجت لم يكن عندى و لا عندها مشاكل فى الخلفة و الله يرحمه نور الشريف ساعدنا للذهاب الي افضل اطباء ، و سافرنا الي ايطاليا و كنا هنعمل عملية طفل انابيب ، و لم تنجح ، و فقدت الأمل ، و كان نفسي فى طفل علشان يسعد مراتى ، لكن مش هينفع نتحايل على ربنا ، ممكن يجي طفل معاق . و اضاف فتوح خلال لقاءه مع الاعلامى دكتور عمرو الليثى ببرنامجه واحد من الناس على شاشة الحياة ، و الحمد لله ربنا رزقنى بطفلة وانا فى سن الخمسين ، و انا لما اتولدت كان ابويا قعيد و ومن قام بتربيتي فتحى اخويا الكبير و صرف عليا ، و اصيب بالكنسر و مات و اثناء ذلك حملت مراتى ، و ربنا بيعوض لان موت فتحى كان هيكسرنى ، وعلي جانب اخر اشار الي انني قدمت شخصية شاهين فى ليالى الحلمية نفس التجربة و خلفت بنت على كبر ، و المسلسل ده فتحة خير و انطلاقة لكل اللى اشتغلوا فيه ، مخرج كبير و سيناريست كبير . و تابع فتوح اننا كنا عيلة واحد و فى مرة خلصنا تصوير و ماشين فركش خلاص فوجدت الاستاذ حسن يوسف من غير الشنب فبقوله لحقت شيلته يا استاذ حسن فقال لى انا صورت من غيره و رجعنا عدنا المشاهد تانى .