تتناول حلقة اليوم الثلاثاء من برنامج " الحلواني " للإعلامي الكبير د. عمرو الليثي والفنان القدير احمد صيام ، الحديث عن حلوانى جديد من اللى بنوا مجد وعظمة مصر في كافة المجالات ، وحلقة اليوم تتحدث عن المخرج الكبير محمد كريم ويقول عمرو الليثي من قصص التاریخ العظیمة في بلدنا قصة السینما المصریة ، ازاي ظھرت ؟ .. وظروف نشأتھا الصعبة ؟ ، ومین الرواد الابطال ؟ اللي تعبوا وشقیوا وحفروا في الصخر عشان نبقى من اوائل دول العالم اللي عرفت فن السینما ويعقب الفنان احمد صیام المخرج محمد كریم ، .. هو الحلواني الاول ، .. والذي اسس وبنى كل العظمة دي كلھا ، .. أول واحد سافر واتعلم واخرج ، وعمل اول فیلم صامت ، واول فیلم ناطق ، واول فیلم بالالوان .. ، ليرد عمرو الليثي ان المخرج محمد كریم ده حدوتة كبیرة لازم نحكیھا لولادنا في المدارس ، دا كان اول مخرج یصور فیلم سینما سكوب بالالوان ، وكان فیلم دلیلة بطولة عبد الحلیم وشادیة ، وھوه الذي اخرج السبع افلام اللي عملھم محمد عبد الوھاب ، وقبل كده عمل اولاد الذوات لیوسف وھبي وكان اول فیلم عربي ناطق .. ويضيف احمد صیام وهو ايضا اول فنان یخلى السینما مصریة بالكامل ، الروایة والكلام بقى مصري بعد ماكانت السینما كلھا اجنبیة واللي بیعملوھا اجانب . وكتیر مایعرفوش ان ھوه اللي كان السبب ان طلعت حرب یعمل استدیو مصر ، واول واحد یطلب انشاء معھد للتمثیل ، وطلب من الحكومة ترسل بعثات طلبة یدرسوا فنون السینما في ایطالیا وفرنسا ،.. ويتابع عمرو الليثي : محمد كریم دا كان مجرد شاب طموح من الطبقة المتوسطة اللي كانت ساكنة حي عابدین أوائل القرن الماضي ، وانبھر بالافلام الصامته اللي كانت بتعرضھا سینما ایدیال وسینما اولیمبیا في العتبة ، وفي البدایة كان مجنون تمثیل ، كان نفسھ یبقى ممثل زي صدیق عمره یوسف وھبي .. ويعقب صیام وعندما سافر الي المانیا تزوج من ھناك ، اقنعته زوجتھ الالمانية انھ يتجه للاخراج ، وكانت البدایة سنة ٢٧ بروایة زینب لحسین باشا ھیكل اللي عملھا مرة صامتة ببھیجة حافظ ومرة ناطقة سنة ٥٢ براقیة ابراھیم .. ويضيف عمرو الليثي عندما كنت اذهب لمعھد السینما زمان كان فيه لوحة كبیرة مكتوب فیھا ان اللي أسس ھذا المعھد سنة ١٩٥٢ وكان اول عمید لها المخرج الكبیر محمد كریم ، .. مش عارف اللوحة دي مازالت موجوده دلوقتي ولا لأ ؟ ، ومش عارف ھل فیھ تمثال كبیر للراجل العظیم ده في الاكادیمیة ولا لأ ؟ .. ويتابع صیام : محمد كریم في منطقة ثانية في التاریخ ، لا يقل والله عن زعماء السیاسة مصطفى كامل ولا سعد زغلول ، .. الناس دي كانت بتطالب بالاستقلال السیاسي ، .. الراجل ده بقى عمل الاستقلال السینمائي ، خلى السینما تبقى مصریة وحررھا من الاستعمار الاجنبي يذاع برنامج «الحلونى » عبر إذاعة الشرق الأوسط في الساعة ٥.٢٥ قبل الإفطار والاعادة ٩.١٠ صباحا من الاحد الي الخميس يوميا خلال شهر رمضان . البرنامج من تقديم الإعلامي د. عمرو الليثى ويشارك في التمثيل به الفنان القدير أحمد صيام ويكتبه الكاتب الصحفي محمد الشبّه ويخرجه الإذاعي تامر حسنى