16:31 | 16 يونيو 2021
رئيس مجلس الادارة ورئيس التحرير
عصام محمد

والدة الشهيد إسلام مشهور تدخل في نوبة بكاء تعليقاً على حلقة الواحات

الأحد 09-05-2021 12:26 ص
والدة الشهيد إسلام مشهور تدخل في نوبة  بكاء  تعليقاً على حلقة  الواحات
خالد الشربينى
علقت سوزان عبد المجيد والدة شهيد الواحات إسلام مشهور على مشاهد مسلسل الاختيار2 في حلقتي 25 و26 قائلة : " أنا حسيت أن راسي مرفوعة وحسيت بفخر وعزة وأن إبني عاش راجل ومات بطل وأنه مكنش في الوقت ده بيفكر في نفسه كان بيفكر في بلده كان كل تفكيره إزاي يحمي بلده وإزاي يضحي بنفسه عشانها ؟ ودخلت والدة الشهيد في نوبة بكاء على الهواء في مداخلة هاتفية خلال برنامج " كلمة أخيرة " الذي تقدمه الاعلامية لميس الحديدي على شاشة " إكسترا نيوز " خلال شهر رمضان قائلة :إبني إتصاب وماقلش " أي " وكان عاوز ينزل يكمل ودي كانت الحقيقة الحمد لله طلب الشهادة وكانت أمنيته أن ربنا يكبتهاله وربنا حققها له وهو قلي بنفسه كده وقلي ياماما نفسي أموت شهيد " . واصلت : " لما كان بيقلي كده كنت أققله ليه يانبي توجع قلبي كان يرد ويقول لي ياماما هو حد يطول يموت شهيد وكتب ده على صفحته على الفيس بوك قبيل إستشهاده " أكملت : " مشاعر شبابنا كانت بتطلع من القلب ومكنوش بيخافوا وكان راجل وكلهم كانوا رجالة وحبهم لوطنهم حاجه كبيرة " وحول مشاهدتها للحلقة قالت أنا وأبوه كنا بنتفرج على الحلقة وحسينا وقت عرض الحلقة كأن الحادثة لسه حاصلة دلوقتي قدامي وتجسيد الشخصية كان صعب ولما شفت إبني قدامي إنهرت بالبكاء وقت الاذاعة لكن رغم ذلك رفعت راسي وقلت الحمد لله إبني عاش راجل ومات بطل " أتمت الي مأثر فينا الفراق لكن إحنا فخورين بيه وبشجاعته وتربيته لانه إتربى على التضحية والحب والاخلاص ابوه وأخوه غرزوا فيه الحتة دي وكان نفسه يعمل حاجه لبلده وكانت حاجة مشرفه ليه ولينا رفع راسنا كلنا أبوه لما شاف الحلقة تأثر بسبب الفراق " . ووجهت الشكر على القائمين لمخرج الاختيار قائلة : بشكرهم لانهم أبرزوا كافة التفاصيل ومايحدث بدقة وكأن المشاهد مش تمثيل لكنه حقيقي ".

تابعنا على فيسبوك

تابعنا على تويتر