قال الفنان أحمد العوضي ان الناس ممكن تكون بتحبنا أنا وياسمين عشان إحنا طبعيين وحقيقيين، و أكيد بيحصل بيننا مشاكل، بس المشاكل بين إتنين بيحبوا بعض بتبقى غير المشاكل بين إتنين متجوزين من أجل الجواز، جاء ذلك خلال مداخلة هاتفية لبرنامج ذق عجلك الذي يذاع علي شعبي اف ام والبرنامج من تقديم شيماء السباعي و تامر جابر . 
و أضاف أنا اللي بصالح ياسمين الأول وفكرة إن حد بيصالح الأول ده مش بيقلل من الواحد خالص،و أنا كراجل بؤمن إن الأفعال أبلغ من الأقوال.
و علق عن ان أي حد بيحب واحدة لازم يقف جنبها وأنا ما عملتش حاجة زيادة في أزمة ياسمين الأخيرة.
و علي فكرة أنا طول الوقت بكون من الناس ومع الناس، وأنا صغير كنت بلعب بوكس، والرياضة كل حياتي، و الناس بتختزل الحب في حب الراجل لمراته والموضوع مش كده خالص، أنا ممكن أقول لأمي هابي فالانتاين.
ووصف الراحل نور الشريف بأنه أستاذه والأب الروحي له، وأبويا أثر فيا في كل حاجة، وهو اللي طلعني راجل.
و بصور حاليا فيلم هيتعرض في العيد الكبير ومش نازل رمضان الجاي،و في عيد الحب أقول لياسمين هابي فالانتاين.
و بحب الحكمدار عبدالباسط حمودة ومن الجيل الجديد عمر كمال وعنبة، والحتة الشعبي بلعب فيها وممكن أعمل كاركتر ولد شعبي بس مش هكرر الخديوي خلاص، و الناس كلها بتحترم العوضي وياسمين عبدالعزيز ومفيش حد بيعمل حاجة تضايقنا. و اخيرا الجمل اللي بتعلق مع الناس زي على الله حكايتك بقولها عشان أنا من منطقه شعبية ودايما لساني حلو وبلاقي جمل تعلق مع الناس .